ஏன் எல்லோரும் முளைகட்டிய பயிரை சாப்பிடவேண்டும் என சொல்கிறார்கள்! கரணம் இதோ..

உங்கள் நாளை நீங்கள் எவ்வாறு துவங்குகிறீர்கள் என்பதை பொறுத்து தான் அன்றைய நாள் உங்களுக்கு ஏற்றதாக இருக்கும். அப்படிப்பட்ட காலை உணவு சரியாக எடுத்துக் கொள்ள வேண்டும். காலையில் முளைகட்டிய பயறு வகைகள் அல்லது முளைகட்டிய தானியங்களை எடுத்துக் கொள்வதால் என்னென்ன நன்மைகள் ஏற்படும் என்று தெரிந்து கொள்ளலாம் வாங்க.
உங்கள் நாளை நீங்கள் எவ்வாறு தொடங்குவது என்பதை பொறுத்து தான் உங்களின் அன்றைய நாள் இருக்கும். சரியான உணவுடன் காலை நேரத்தை துவங்கினால் மட்டுமே உங்களின் அன்றைய நாளுக்கான சுறுசுறுப்பு கிடைக்கும். காலை உணவு உயர் புரத உணவாக இருக்க வேண்டும் என்பதை நினைவில் கொள்ளுங்கள்.

​ஏன் முளைகட்டிய தானியங்கள் ?
இது குறித்து ஊட்டச்சத்து நிபுணர்கள், அதிக அளவு புரதச் சத்துள்ள காலை உணவு தசை ஆரோக்கியத்திற்கு நன்மை அளிக்கும். முளைகட்டிய தானியங்களை எடுத்துக் கொள்ளும் போது, அதில் புரதங்கள், போலேட், மெக்னீசியம், பாஸ்பரஸ், மாங்கனீசு மற்றும் வைட்டமின்கள் சி மற்றும் வைட்டமின் கே ஆகியவை உள்ளன.

ஊட்டச்சத்து நிபுணர்கள் கூறுகையில், நீண்ட காலமாக முளைகளை சாப்பிட விரும்பவில்லை. ஆனால் அதனை சேர்த்துக் கொள்வதற்கான சில ஆரோக்கிய வழிகள் உள்ளதை கண்டறிந்தேன். இந்த வழிகளை நீங்கள் கடைபிடித்தால் இது உங்கள் உணவை சூப்பராக்குவதோடு உங்களை உற்சாகமாக்கும்.

​சிறந்த நோயெதிர்ப்பு அமைப்பு
முளைகட்டிய தானியங்களை உணவில் சேர்த்துக் கொள்வதன் மூலம் உங்களின் நோய் எதிர்ப்பு சக்தி மேம்படும். இந்த தானியங்களில் அதிக அளவு வைட்டமின் சி இருப்பதால், உடலில் உள்ள இரத்த வெள்ளை அணுக்களுக்கு சிறப்பான சக்தி வாய்ந்த தூண்டுதல்கள் உருவாக்கப்படும். வெள்ளை அணுக்கள் தூண்டப்படுவதால், நோய்கள் மற்றும் தொற்று நோய்களை எதிர்த்து உங்களால் போராட முடியும். அத்தோடு உங்களின் நோய் எதிர்ப்பு சக்தியை வலுப்படுத்த முடியும். முளைகட்டிய பயிரில் வைட்டமின் ஏ ஏராளமாக இருப்பதால் அவற்றில் அதிக அளவில் ஆக்ஸிஜனேற்றங்கள் உள்ளன.

​சரும பளபளப்புக்கு
ஆரோக்கியமான சருமத்தை பெற விரும்புவோர் முளைகட்டிய தானியங்களை எடுத்துக் கொள்ள மறக்க வேண்டாம். உங்களின் சருமத்தின் ஆரோக்கியம் நீங்கள் சாப்பிடும் உணவால் தான் ஏற்படும். நீங்கள் அதிக அளவில் முளைகட்டிய தானியங்களை சாப்பிடுகிறீர் என்றால் உங்களின் சருமத்துக்கு தேவையான அளவு ஊட்டச் சத்துக்களை பெற்றுக் கொள்கிறீர் என்றால் உங்கள் சருமத்தை பளபளப்பாக்குகிறீர்கள் என்று அர்த்தம்.

​எளிதில் ஜீரணிக்க
முளைகட்டிய தானியங்களை நாம் உணவாக எடுத்துக் கொள்ளும் போது, உங்களின் ஜீரண சக்திக்கு உதவி புரியும். இதில் உள்ள நார்ச்சத்து மலத்தை இலகுவாக்கி குடல் வழியாக விரைவில் நகர்த்த உதவும். இதனால் மலச்சிக்கல் அபாயத்தைக் குறைக்க முடியும். இது குடல் ஆரோக்கியத்திற்கும் சிறந்தது.

​மசாலா சாட் போன்று…
முளைகட்டிய பயிர்கள் அல்லது தானியங்களை உண்ட பின் நீங்கள் மந்தமாகவோ அல்லது அஜீரணமாகவோ உணர்ந்தால், நன்றாக நீராவியில் வேக வைத்த உருளைக்கிழங்கு மற்றும் சிறிதளவு நெய்யை முளைகட்டிய பயிருடன் சேர்த்துக் கொள்ளலாம்.